Ligue Wallonne Bruxelles

* On nos récrit étou pa « e-mail » (j’ n’ai nié trouvé el mot patois dins no dictionnaire) : Tony Cogghe ein Montois exilé à Bruxelles nos dit tout l’pléesi qu’il a à r’pinser à no biau patois : « Ah, c’est beau le patois ; c’est coloré, cela donne aux mots du goût, du son, de l’image. On pourrait encore parler des heures de la langue de chez soi. C’est un peu comme le Comme chez soi de Pierre Wijnants, une cuisine toute simple avec les légumes du marché local dans une préparation faite avec l’ambition de réveiller les souvenirs d’antan, le goût, l’odeur et la couleur des choses de notre enfance ». + + + • D’puis l’mort dé s’fèmme, ça n’tourne plus fort rond dins l’tiète à Mimile. Il a d’vu ette placé dins ène institution dite « spécialisée ». L’sémaine passée, l’infirmier l’voit s’pourmèner dins l’collidoravé n’boite dé pilures pindue avé n’ficelle à l’intour dé s’cou. === « Ousqué t’in va avé ça à t’cou ? » etti l’infirmier. ==== « Bé, au matin el docteur m’a dit d’suspinde el trait’mint pindant huit jours ». En’vos foutez nié d’li, el malheur est si près des geins. F.P + + + • Méprise linguistique. = = = I n’a nié fort longmint, j’étois su m’dévanture. Ene automobile avé n’plaque ingléese s’arrête èyè s’in déwanne ein rouquin comme ène armoile à glace. I comminche pa m’baragwiner ène saqué qué j’n’arrive nié à comprinde sinon à peu près « ciment’rie ». Ec’n’étoit nié ène pétote caude qu’il avoit dins s’bouche mais ein saclot d’frites intier ! Veyant l’affaire, es’fèmme s’éfute dé l’bagnole à s’tour èyè s’aboule in riant. In inglés, elle m’a dit : « we want to go to the soldiers’cemetery of the first world war”. A 83 ans avé m’accint montois cayau à l’sauce ingléese d’avant 40, ej li réponds in li moutrant l’cousse : “I don’t understand what he says !”. Après li avoir moutré l’quémin, j’ai compris qu’el cimintière n’étoit nié l’cimint’rie. + + + El Gazette des Camerluches – Montois Cayaux asbl – Avri-mai-jouin 2009 – Claude GERIN, Rue St-Lazare 87, 7000 Mons.