Ligue Wallonne Bruxelles

BILLET D’HUMEUR… +++L’dernière fôs qu’in s’a parlé, ch’étôt au mômint de l’déroute dés banques. D’pusç-jour-lô, i-a pôs gramint d’canji, a pôs eu d’ortournemint d’situation. Cha n’arôt pôs été pôsseupe, vu qu’pèrsane i comprind pus rin à rin, mamme pôs nous minisses. Et l’monte i continue d’tournér, les usines i n’arrêt’te pôs d’serréer leus portes ét lés gins leus chintûres. In tous lés cas, ch’ést chin qu’in dit. Pasque mi j’pinse qu’i-a ène saquô qui n’va pôs. Ch’ést la « crise » qu’i dit’te ! Et i-a d’puk in puk de gins dins l’z-avions, su lés pistes de ski ou in vacanches. En in manme timps, a d’puk in puk de gins in-d’zous dés pans, dins lés restôs du tcheûr et à l’assistance publeûque.Ch’ést qui lés minteux ? « Cache fok Après ». Si te lés treufes, tu me l’dis, d’accord ? Et ne t’fie pôs d’treup à lés réclames que tu vas bétôt orchevôr pour l’z-élections du 7 juin. I vont promèt’te puk eud’bûre que d’pan !!!! In va n’d’in erparlér l’fôs qui vint. +++Jean MILLEVILLE, Le Vrai Canton, n° 171, avril-mai-juin 2009